15 мартыште Марий Эл Республикын калык артисткыже Зоя Берникован да мурызо Лариса Сидоркинан концертышкышт пагален ўжына. Тудо В.И.Ленин лўмеш Тўвыра полатыште 17 шагатлан тўҥалеш. 

Концертын лўмжак оҥай – «Ӱмыр – ялт шўвыр». Тушто калык коклашке шарлыше да сылнылык каваште шулдырым налше муро-влак йоҥгалтыт.

Концертыште тыгак артист-влак Валерий Тихонов, Геннадий Сидоркин, Владимир Шабдаров, «Каче-влак» группо, «Марий Эл» кугыжаныш куштышо ансамбль да калык семўзгар оркестр лийыт.

Муро касым Марий Элын калык да Россий Федерацийын сулло артисткыже Маргарита Медикова вўда.