9 майыште 17 шагатлан Чарла Кремльыште (Йошкар-Ола, Вознесенский ур., 49) «Марий кас» почылтеш. Тудо Сеҥымаш кечылан пӧлеклалтеш: марий йылме дене кумдан палыме военный муро-влак йоҥгат, ветеран-влакым самлаш тӱналына. А тыгай пайремым Республикысе марий тӱвыра рӱдер ден Чарла Кремль тыланда, йолташ-влак, пӧлеклат.

Касым мурызо-влак Зоя Берникова, Александр Егошин, Влад Николаев, Геннадий Григорьев, «Каче-влак» группо, «Чон оҥгыр» ансамбль сӧрастарат. Гармонь дене Анатолий Ермаков, тӱвыр дене Виталий Кучергин шоктат.

Программым Лариса Сидоркина  да Сергей Романов вӱдат.

Касыш яра пуртат.