Республикысе у курчак театрыш пайрем касыш толшо писатель, шанче, бизнес, тӱвыра пашаеҥ ден туныктышо-влакым, студент да марий возымаш дек шӱман-влакым Марий Эл Республикысе правительстве вуйлатышын алмаштышыже, тӱвыра, печать да калык- влакын пашашт шотышто министр Михаил Васютин саламлен. Тудо Марий Эл правительстве вуйлатышын Леонид Маркеловын саламмутшо дене палдарен. Тыгак саламлымаш Кугыжаныш Думын депутатше Лариса Яковлева деч пурен.
Эн ончыч Марий Эл писатель ушемын 80 ий теммыж лӱмеш эртыше литератур конкурсын сеҥышыже-влакым каласеныт:
«Поэзий»номинацийыште — Александр Коковихин да Анатолий Тимиркаев;
«Прозо»номинацийште — Зоя Дудина да Виталий Петухов;
«Йоча литератур»номинацийыште — Юрий Соловьев да Мария Илибаева; «Дебют»номинацийыште — Вячеслав Комаров да Светлана Бессонова;
«Кусарыме»номинацийште — Светлана Григорьева;
«Эн сай составитель»номинацийште — Елена Хисамутдинова.
Вара «Марла чын возена» IIтӱшка диктантыште сеҥыше-влаклан диплом ден пӧлек кучыкталтын. Тиде ийыште диктант возымашке Марий Эл гыч 840 еҥ ушнен, тыгак Тарту университет гыч икмыняр студент шинчымашыштым тергеныт. Оршаҥге район гыч 466 еҥ у орфографий почеш возен моштымыштым ончыктен.
Диктант возымаште ойыртемалтыныт:
— курыкмарий дене:
1-ше вер — Диана Терентьева ( МарГУ),
2-шо вер — Анастасия Кондратьева ( МарГУ),
3-шо вер — Анастасия Топтыгина (МарГУ);
— олыкмарий дене:
1-ше вер — Татьяна Петухова ( Йошкар-Олан 20-шо №ан школ туныктышо),
2-шо вер — Анастасия Зверева (Советский район Кельмаксола школын тунемшыже),
3-шо вер — Анастасия Домрачева (Семеновка селан В.С.Архипов лӱмеш школын тунемшыже)
3-шо вер — Ирина Караваева (Советский район Кельмаксола школ туныктышо).
«Марнетын шӱдыржо — 2014»марий сайт конкурсышто сеҥыше-влак:
— «Марий Эл» газетын сайтше (www.gazetamariel.ru) — «Интернет сетьыште марла возышо эн сай СМИ» номинацийыште;
— Республикысе марий тӱвыра рӱдерын увер сайтше (www.mari-centr.ru/chm/)
— «Эн сай тӱвыра да туныктыштӧнеж-влакын сайтше» номинацийыште;
— журналист да блоггер Эльвира Куклинан вӱдымӧ «Арслан» этнокультур интернет-журналже (www.mari-arslan.ru) — «Марий тӱвыра, сымыктыш, йылме, историй, юмыйӱла да традиций тематике сынан эн сай сайт»номинацийыште;
— журналист Зоя Глушкова («Зоя Дудина» сайт, www.zojadudina.ru) – «Интернет-дневникын (блогын), интернет-каҥашын эн сай авторжо» номинацийыште.
«Марий сандалык» журнал редакцийын да «Саскавий» марий ӱдырамаш ушемын эртарыме «Ӱдырамаш корно» очерк конкурсышто сеҥыше-влак:
1 вер — Алевтина Кузнецова (г.Йошкар-Ола);
2 вер — Лариса Петрова (Морко район);
3 вер — Галина Сорокина (Звенигово район).
«Марий Элын эн сай книгаже — 2014» VI республикысе конкурсышко 298 марла да рушла книга 89 еҥ да организаций деч пурен. Сеҥышыш лектыныт:
— «Эн сай книга»номинацийыште— Анатолий Спиридоновын «Югорно: марий калыкын эпосшо» (Марий книга савыктыш);
— «Книган эн сайсӱретчыже»номинацийыште — Александр Бакулевский Спиридоновын «Югорно: марий калыкын эпосшо» книгам сӱретлымыжлан;
— «Шочмо кундемын лӱмлӧ еҥже-влак нерген эн сай книга» номинацийыште — Валерий Тумбаевын «Богема провинции» проектын фотоальбомжо («360 градусов. Галерея Ивана Ямбердова» и «Режиссер Василий Пектеев», типография «Вертикаль»);
— «Эн саймарла книга»номинацийыште- Виталий Петуховын «Кучкыжвла да курныжвла» историй романже (Марий книга издательстве);
«Йоча-влаклан эн сай книга»номинацийыште — Анатолий Скалан «Сказки белого облачка
» книгаже (Марий Эл Республикысе писатель ушем);
«Марий Эл нерген эн сай книга»номинацийыште — Иван Ивановын «История становления пожарного дела в Марийском крае: к 365-летию пожарной охраны России» книгаже (Марий книга савыктыш);
«Шочмо кундем нерген эн сай книга» номинацийыште- Енаф Паркановын «Туансолаэм» книгаже;
«Эн сай шанче савыктыш» номинацийыште — Наталья Мушкинан «Олыкмарий муро» книгаже (В.М.Васильев лӱмеш йылмым, литературым да историйым научно шымлыше марий институт);
«Эн сай туныктыш книга» номинацийыште — Валерий Чеботкинын «Школа академического рисунка» книгаже («Вертикаль» типографий);
«Эн сай поэзий сборник» номинацийыште — Александр Коковихинын «Отдайте поэту планету» книгаже (Марий Эл Республикысе писатель ушем);
«Эн сай книга савыктыш» номинацийыште — «Марий книга издательстве».
«Эн сай шарнымаш книга» номинацийыште — Арнольд Муравьевын «Провинциальные мемуары» книга серийже (Крюкова Н. А. Догорающий сад: Крестникова С. В. Воспоминания врача. Печатный дом Мерзляковых).
Пайрем касым сӧрастареныт: Республикысе тӱвыра да сымыктыш колледжын «Чинчывий» кӱслезе ансамбльже да «Радуница»мурышо ансамбльже, Калыкле президент школ-интернатын скрипачше-влак, Марий кугыжаныш университетын «Цармис» куштышо театрже, мурызо-влак Ирина Мамаева, Валентина Петрова да Александр Егошин. Пайрем программым вӱденыт М.Шкетан лӱмеш Марий кугыжаныш драме театрын артистше-влак Алина Егошина ден Павел Ефимов.
Тунамак «Марий Элын эн сай книгаже — 2014» книга ончер пашам ыштен.
Тӱвыт пайремым чумыреныт: Тӱвыра, печать да калык- влакын пашашт шотышто министерствын полшымыж дене Марий тӱвыра рӱдер ден Марий Эл Республикысе С.Г.Чавайн лӱмеш калыкле книгагудыжо.
