Конкурсым Марий Эл Республикысе тӱвыра, печать да калык- влакын пашашт шотышто министерстве эртарен.

Конкурсын тӱҥ шонымашыже:

— Интернетыште марий уверым кумдан шараш да марий сайт-влакым вияҥдаш полшаш;

— марий йылмым да литературым вияҥдымаште у технологий йӧным кучылташ лийме нерген палдараш;

— марий йылмым Интернетыште кучылташ кумылаҥдаш.

Конкурсын тӱҥ задачыже:

— марий сайтым ыштыше-влаклан эҥертыш лияш;  

— марий сайт нерген базым чумыраш да тудын дене весе-влакымат палдараш;

— марий йылмым да литературым вияҥдымаште Интернетын у йӧнжӧ-влакым моштен кучылташ.