Форумышко 400 еҥ чумырген: РФ тÿвыра министерствын, Москосо калык-влак пöртын, кызытсе сымыктышлан полшышо «Артпроект» фондын, Чуваш Республикысе кучем органын еҥышт, Юл кундемысе федерал округысо субъектлаште тÿвыра аланым вуйлатыше, Российысе да йот элысе эксперт, Чувашийысе тÿвыра пашаеҥ-влак.

Марий Эл Республикысе делегацийым Правительстве председательын алмаштышыже, тÿвыра, печать да калык-влакын пашашт шотышто министр Михаил Васютин вуйлатен. Форумышто тудо Юл кундемысе федерал округышто Тÿвыра идалык дене келшышын йÿлаш пурышо да инноваций проект-влакым илышыш шыҥдарыме нерген докладым ыштен.

Пленар погынымаште Тÿвыра идалыкым иктешлыме шотышто мутланеныт, тÿвыра аланыште кугыжаныш политикым илышыш шыҥдарыме нерген йодышым каҥашеныт.

Форумышто «Генеалогические исследования – живая связь времен», «Национальные нити дружбы», «10 лет Сетевому марафону культурных событий Чувашской Республики», «Событийный туризм», «Проблемы и тенденции развития современного театрального искусства», «Современные библиотеки в современном мире: диапазон идей, теорий и практик», «Культура – стратегический ресурс межрегионального развития», «Культура – стратегический ресурс межрегионального развития», «Современное российское кино в контексте мирового кинопроцесса» секций, дискуссий да презентаций площадке-влак пашам ыштеныт.

«Национальные нити дружбы» ӱчашклубышто Римма Юрьева Республикысе марий тӱвыра рӱдерын пашаж нерген каласкален.

Форумын пашаже пайрем концерт дене иктешлалтын. Санкт-Петербург гыч толшо «Колесо» фольклор группо да Чуваш Республикысе усталык коллектив куандареныт.