Лумӱдыр ынде йытыра марий тувыран, лум гай ош мыжеран, вуйыштыжо парча гыч ургымо вуйшӱдыш, шовыч. А Йӱштӧ Кугызан ош мыжержым тӱран йошкар пота сылнештара. Тудын пӧлек мешакшат марий сынан.

А Йӱштӧ Кугыза ден Лумӱдырым эн ончыч марла Шернур районысо тӱвыра пӧлка чиктен. Сай примерлан эҥертен, ты пӧлкасе пашаеҥ-влак деч ой-каҥашым налын, шке шонымашым ешарен, Марий тӱвыра рӱдерат сылне чием дене куандарен. Тудым «Сайвер» ательеште ургыктымо.