Шернур район Шÿдымарий тÿҥ школын 4-ше классыштыже шинчымашым погена. Ме марий йылмым йöратен тунемына. Шке калыкнан йÿлажым изинекак пагален кушкына. Кеч-могай пайремыште марла муралтен, тавалтен колтена, почеламутымат сылнын лудына.

Шукерте огыл Республикысе марий тÿвыра рÿдер Советский район Ӱшнÿр школышто Йоча Ӱярня пайремым эртарыш. Ме тиде пайремыш уло класс дене миен улына. Ятыр модыш дене модна, курык гыч ийвол дене, ӱярнявараш шогалын мунчалтышна. Йоча-влакын ыштыме «Ӱярня куваштым» куанен ончышна, мурымат мурышна, кушталтенат колтышна.

Эн тÿҥжӧ, «Ӱярня мелна-2015» конкурсышто сеҥышыш лекна. Тиде конкурсыш коман да шÿрашан мелнам, салмамуным, туарам намиен улына, шке мелнанам «муро дене аралышна» да IIвер дене палемдалтна. 

Тиде пайрем мыланна пеш келшен. Кугыеҥ-влак пелен пырля марий калыкнан Ӱярня пайрем йÿлаж дене келгынрак палыме лийна. Ме умбакыжат калыкнан тÿвыражым пагалаш, калык йÿланам чонышто ашнаш тÿҥалына.

Снимкыште: Коля Тойшев, Эвелина Егошина, Антон Танеров да туныктышо Софья Федотовна Рыбакова.

Автор: Эвелина Егошина.