11.00 шагатлан «Кудо» конкурс тӱвыра да каныме Рӱдӧ паркын тӱҥ аллейыштыже  пашажым почеш. Тыштак кидмастар-влакын ончыкташ да ужалаш лукмо ӱзгарыштым налаш лиеш.11.30 шагатлан В.И.Ленин лӱмеш тӱвыра полат ончылно И.С.Палантай лӱмеш тӱвыра да сымыктыш колледжын да В.И.Ленин лӱмеш тӱвыра полатын усталык коллектив-влакышт шке мастарлыкыштым ончыктат.12.00 шагатлан тышке Российысе регионла, Йошкар-Оласе да Марий Эл Республикысе районла гыч усталык коллектив-влак, мер организаций да калыкле-культур объединений-влакын еҥышт чумыргат.

Регионгокласе калык пайремым официально почмо церемоний 13.00 шагатлан В.И.Ленин лӱмеш площадьыште тӱҥалеш. 14.00 шагатлан пайремыш толшо-влак тӱвыра да каныме Рӱдо паркыште Республикысе да Россий кундем фольклор коллектив-влакын программыштым ончен кертыт.  

Кеҥеж эстраде площадкыште 14.30 шагатлан йоча-влаклан «Модыш алан» почылтеш. Тыштак «Пеледыш аршаш» — йоча марий вургем пайремыш ушнен кертыда. Организатор-влак пайремыш ургызо, кидмастар, тӱрлызо-влакым ушнаш йодыт.   Тиде жапыштак Спортплощадкыште кӧрашымаш,   кырым да пундышым нӧлтымаш, пусорымым пӱчмаш тӱҥалеш.

15.00 шагатлан Сенымашлан XXX ий темме лӱмеш  тӱвыра полат ончылно «Кушталтен, каналтена» фольк-шоу да «Марий кас»: такмак, уста тӱмырзо да гармончо-влак конкурс ӱжеш.  

«Саскавий» марий ӱдырамаш ушем 15.30 «Мелна пайремыш» марий кочкышым ышташ йӧратыше да тудлан акым пуэн моштышо-влакым ӱжеш.      

18.00 шагатлан «Пеледыш пайрем» В.И. Ленин лӱмеш площадьыште шуйна. Ончыч «Йыр куштымаш» фестиваль почылтеш, вара 19.00 шагатлан марий шӱдыр-влак дене пырля концерт-дискотека тарвана.

Калык пайремым Марий Эл Республикын тӱвыра, печать да калык-влакын пашашт шотышто министерстве, Марий Эл Республикын ялозанлык, кочкышвундо да пӱртӱс поянлыкым кучылтмо шотышто министерстве да Мер Каҥаш негызленыт.

Тӱвыт пашам Республикысе марий тӱвыра рӱдер, Марий Эл Республикысе И.С.Палантай лӱмеш тӱвыра да сымыктыш колледж, Марий Эл Радио, Йошкар-Оласе тӱвыра виктем, «Саскавий» марий ӱдырамаш ушем шуктен шогаш тӱҥалыт.