Каснам «Каче-влак» группо, «Шайра» фольклор ансамбль, самырык гармонист Рудольф Алексеев сӧрастареныт.

Тӱмырым Виталий Кучергин кырен, тудлан Анатолий Ермаков полшен. Марий тӱвыра рӱдерын «Чон оҥгыр» фольклор ансамбльже калыкым йыр куштымашке тарватен. Пайремым Галина Ласточкина ден Денис Очиев вӱденыт.

Кас мучко калык да эстраде муро поче-поче йоҥгеныт. Посна мурызо-влакат шке моштымыштым сценыш лектын ончыктеныт. Эн тале куштызо да мурызылан шушаш «Марий касыш» 2 ӱжмашым кучыктеныт. Касна ойыртемалтынак каче-влаклан поян лийын. Тыште палыдымыжат кажныж ден йолташ гай келшен веселитленыт. Уна-влак марий курчакым, муро книга сборникым да муро диск-влакым налын кертыныт.

Вес «Марий кас» 27 августышто Чарла Кремльыштак 18 шагатлан лиеш. Тудым Марий Элын сулло артисткыже Светлана Осипова-Дмитриева да «Весела кумыл» калык фольклор ансамбль (Медведево район) сӧрастараш тӱҥалыт.