Лач тыгай йодыш дене Российысе калык-влакын конгрессшым почыныт.
10-12 сентябрьыште Угарманыште IV-ше тӱнямбалсе бизнес-саммит пелен «Национальная политика России в контексте новых глобальных вызовов: идеи, практики, перспективы» Российсе калык-влакын конгрессше эртен. Ты мероприятийыште шанче, журналист да кучемын еҥже-влак этнокультурный йодыш-влакым шымленыт.
Конгресс ныл этап гыч шоген. Ондак регионысо делегаций-влакым Семёнов оласе кидмастар-влак деке унала намиеныт. 11 сентябрьыште Угарманысе ярмиҥгаште Конгрессым почыныт. Угарман областьысе кӧргысӧ региональный да муниципальный политикын министрже С.Рогожкин, Российысе Федеральный Советын еҥже Д.Азаров, межэтнический журналистикысе Гильдийын президентше М.Лянге да тулеч молат оҥай доклад-влакым лудыныт. Йыргешке ӱстел ден семинар-влакыште шындыме йодыш-влакымым эше келгынрак лончылымо.
Шукерте огыл «СМИротворец» конкурсын окружной этапшым иктешлыме. Тушто сеҥыше-влакым лач ты конгрессыштак палемденыт.
