2015 ий 13 мартыште Йошкар-Олан пӱнчертыже «Зарница» республикысе военный патриот модыш эртаралтеш. Тудо Кугу Ачамланде сарыште Сеҥымылан 70 ий теммылан пӧлеклалтеш.

Организатор-влак: Республикысе марий тӱвыра рӱдер, «Азимут» йоча-самырык рӱдер, Марий Эл Республикысе тӱвыра, печать да калык-влакын пашашт шотышто министерствын, туныктымаш да шанче министерствын полшымышт дене.

Конкурсышто кыдалаш тунемме верла гыч ӱдыр-рвезе-влак вийыштым тергаш тӱҥалыт. Чылаже куд команде 10 еҥ дене лийшаш.

Модыш икмыняр этап гыч шога. Тыгодым участник-влак тулым ылыжтен да вӱдым шолтен, эҥгекыш логалше еҥлан полшен, чодыраште шылаш верым ыштен, вер-шӧрым пален моштымыштым ончыктышаш улыт. Спорт да уш-акыл дене кылдалтше таҥасымашат лиеш.

Мероприятий 10 шагатлан тӱҥалеш. 9 шагатлан — регистраций.