18 октябрьыште Советский район Янгранур отышто Кугу Тӱня кумалтыш лиеш. Тӱня кумалтыш ийлан ик гана эртаралтеш да шуко кундемыште илыше марий-влакым палемдыме отышко чумыра. Кажне отын Тӱня кумалтышым эртараш шке шотлымо ратше уло, сандене тудо вич ийла ик гана эртаралтеш. Тений черет почеш кумалтыш Янгранур пӱнчер отышто палемдыме.

Тӱня кумалтышым чыла отышто огыт эртаре. Кужеҥер районышто тыгай отылан Ошкуэр ото шотлалтеш, Советский районышто – Чокмото, Янгранур ото, У Торъял районышто – Шван ото, Саваран ото, Шернур районышто – Коклала ото, Моркышто – Варангуш ото.

Кугу Тӱня кумалтыш эн шагалже вич юмын шаге ӱмбалне эрта: Ош Тӱҥ Кугу Юмо, Шочын Ава, Мланде Ава, Мер Юмо, Кугурак (Курык Кугыза).  Нылле ик пурлык, кок тӱрлӧ кӱчан-тӱкан шолдыра вольык да вӱд ӱмбалне ийын коштшо кайыквусо дене кумалалтеш.