Дискуссионный клубышто Российын сулло сÿретчыже Иван Ямбердын пашаж нерген каҥашыме. Тудо шкеже эксперт лийын. Уна-влакым сÿретчын илыш-корныж дене палдарыме. Самырык еҥ-влаклан икмыняр картиным ончыктеныт. «Радужный табун» картине кугу мутланымашым нöлталын. Ўдыр-рвезе-влак шке шонымашыштым почын пуэныт. Тыгаяк сÿрет «Солнце садится» картиным каҥашаш лукмо годым лийын. 

Студент-влак дене пырля МарГУ-н преподавательже Э.В.Колчева дискутироватлен. Тудо сÿретчын картинылаштыже тамгам, символым кучылтмо нерген каласкален. 
И.Ямбердов ондак уна-влакын мом ойлымыштым тÿткын колыштын да мероприятий мучашлан веле мутым налын. Тудын мутшо почеш, творческий айдеме шке пашаж гоч чыла ойлен пуэн, садлан, иктаж произведенийым, эше ÿмбач умылтарышаш огыл. Сÿретче шке пашаж гоч марий философийым шижмыжым каласкален.