Килемар районышто Марий калыкын X-шо погынжылан район деч делегат-влакым сайленыт. Таче кечылан районышто 14 тÿжем наре еҥ ила. Нунын кокла гыч 7 тÿжем наре – марий-влак улыт.

Калык ончылно икмыняр докладым лудыныт. Арда ял поселенийын вуйлатыше Н.Алатайкина IХ-ше съездысе резолюцийым илышыш шыҥдарыме нерген каласкален. Т.Кудряшова районышто марий йылмым да литературым тунемме нерген докладым ыштен. Районышто шочмо йылме семын марий йылмым 112 йоча тунемеш. Статистикым ончалаш гын, тиде – 9%.

Погынымаште 4 делегатым сайлыме.