Занятий-влакым Российысе межэтнический журналистике гильдийын Марий Эл Республикысе пöлкаже эртара. Журналист-студент-влак элнан этно поянлыкше дене, калык йодышым СМИ-ште ончыктымо дене, этножурналистын этикыж дене палыме лийыт. Тунемме жап утларак практикылан ойыралташ тÿҥалеш. Тендам оҥай занятий-влак, вес регионласе студент-журналист-влак дене видеоконференций-влак, тÿрлö проект-влак вучат. Тунемме жапыште ямдылыме эн сай паша-влакым республикысе СМИ-лаште ончыктена.

28 ияш деч самырыкрак журналист да активист-влакым ÿжына. Занятий-влак 18 февральыште тÿҥалыт. Арнялан ик кечын лиеш. Тунемме жап – 3 тылзе. Оксам тÿлыман огыл.

+79024318204, +79278837497 номер-влакыш йыҥгыртен возалт кертыда.