«Эстраде мурын негызше. Йӱкым лукмаш. Шӱлыш упражнений» мастар-классым Олык Ипай лÿмеш кугыжаныш премийын лауреатше, эстраде мурызо Светлана Яндукова вӱден.

«Калык вокал. Кок-,кум йӱк дене мурымаш» мастар-классым «Чон оҥгыр» фольклор ансабльым вуйлатыше Эльвира Петрова ончыктен.   Марий Эл Республикын калык артистше Нина Макарова марий куштымашын тÿҥ йыжыҥже-влак дене палдарен.  

Паша радам йыргешке ÿстел дене иктешлалтын. Мастар-классыште лийше-влак тудын кÿлешлыкше нерген ойленыт, эше эртараш йодыныт.