Марий тÿвыран кечыже-влакым почмаште верысе активист да Киров кундем деч шушаш Х-шо Марий Калык Погынын делегат-влакше погыненыт. Кундемыште марий йылмым, тÿвырам аралымаш тургыжландарыше йодыш-влак улыт. Тидын нерген «Таче кечын марий тÿвырам аралымаш да вияҥдымаш» йыргешке ÿстел годым мутланеныт. Яллаште марла мутланат гын, олаште марий-влак шке йылмыштым «мондаш тÿҥалыныт». Шочмо йылмым аралымаш шотышто пашам утларак ышташ кутырен келшеныт. 2016 ийыште областьысе марий автономийым почаш шонат.

Х-шо Марий Калык Погынлан делегат-влак ямде улыт. Киров область гыч тушко 26 еҥ толшаш (19 делегат да 7 эскерыше). Активист-влак нунын деч марий книга-влакым кондаш йодыныт.

Пайрем Республикысе марий тÿвыра рÿдер пеленысе «Волгыдо» да Малмыж район гыч «Марий сем» ансамбль-влакын мурен-куштымашышт дене иктешлалтын.