Ты теме-влакым умбакыже «Шочмо йылме да еш», «Марий йÿла», «Самырык тукым да тачысе саман» секцийлаште нӧлталыныт. Нуным Марий Эл Республикысе мер да политике рÿдерыште эртареныт. «Россий кугыжанышыште марий калыкын верже да марий калык толкынын ончыкылык вияҥме корныжо» йыргешке ÿстел дене ты кечысе паша радам мучашлалтын. Умбакыже уна-влакым Э.Сапаев лÿмеш опер да балет театрыште «Акпатр» опере да Чарла кремльыште «Марий кас» вучен.