1 июнь гыч 2016 ий 30 ноябрь марте Россий кӱкшытан «СМиротворец» конкурс увертаралтын.  Конкурсышто федерал, регион да этнический СМИн журналистше-влак шке возымо вийыштым терген кертыт. Тыште 2015 ий 1 август гыч 2016 ий 1 август марте возымо (эфирыш лекше) паша-влак ончалтыт. Сеҥыше-влакым палемдыме церемоний Моско олаште 2016 ий ноябрь тылзыште лиеш.

Конкурсыш ушнаш шонышо-влак йодмашым, шке нерген анкетым да конкурс пашам konkurs@nazaccent.ru электрон почтыш але тыгай адрес дене (125009, Москва, ул. Тверская д.7, а\я 92 «Гильдия межэтнической журналистики») колтен кертыт. Паша-влак 6 номинацийыште аклалтыт: «Телевидений», «Радио», «Пресса», «Интернет», «Йоча да самырык тукым СМИ», «Кызытсе жаплан кӱлешан йӱла».

Конкурсын положенийжым http://concours.nazaccent.ru/ сайтыште верлаҥдыме.