Лахти  олаште финн-угор калыкын VII Тӱнямбал конгрессше шке пашажым тӱҥалын. Тушто 22 тӱрлӧ финн-угор калыкын 174 делегатышт да 370 эскерышышт улыт. Эн кугу делегаций финн калык деч. Тудо 20 делегат да 72 эскерыше-влак деч шога. Российысе эн кугу делегаций коми деч: 17 делегат да 27 эскерыше-влак. Марий калык деч 8 делегат да 13 эскерыше улыт. Тыгак конгрессыште 9 вес элла гыч ӱжмӧ эксперт да 17 волонтер пашам ыштат.

Конгрессын паша йылмыже – руш, финн да англичан йылме. Ваш–ваш умылаш 25 кусарыше-влак полшат.