Чылаже лу мультфильмым ышташ палемдыме, тений визытше лекшаш. Тушто тӱҥ герой Солнечный лучик (Кечыйол) мландыш вола, Тачана лӱман ӱдыр дене палыме лиеш. Тудыжо кава гыч волышо Кечыйолым марла ойлаш туныкта. Кажне «мультик» шым-кандаш мут да йӱк дене пашам ыштыме, предложенийым чоҥымо дене палдара, тыгодымак тӱҥ герой-влак марий модыш дене модыт, марий мурым мурат.