Тушто мер пашаште проект-влакым илышыш пурташ манын, кугыжаныш велым грант полышым кузе налме шотышто кугу мутланымаш лийын. Тений коммерческий огыл организаций-влак 12 направлений дене грантым налын кертыт. Нунын кокла гыч социальнын обслуживатлыме, йырым-йырысе пӱртӱсым аралыме, туныктымо сферыште самырык-влакын тӱҥалтышым поддерживатлыме да моло йодышымат палемдыман.

«Российысе марий-влакын калыкле-тӱвыра автономийышт» мер ушем Удмурт Республикысе марий-влакын НКА дене пырля кодшо идалык мучашыште, проект пашалан эҥертен, шуко чиян, марий да руш йылме дене «Айдеме-патыр» книга-альбомым луктыныт.