У ий дене

У ий йыл-йыл йолваж ден тӱкала окнашке,

Ӱжеш пиалым, тынысым пӧртнашке.

Ӱшанлык да куан тек илат шӱмнаште ,

Тазалык лийже сае, а паша саскаҥже.

ххх

У ий дене шокшын саламлен,

Ныжыл шомакемым пӧлеклем.

Теҥгычысе пиалетын кумыл

Тек эрласыш волгыдем вонча,

Тазалык, еш пиал да кужу ӱмыр

Кажне кечын шыргыжал ончат.

ххх

Шочмо кече дене

Лӱмгечетлан шомакем лиеш тыгае:

Сурт-печет волгалтше, вольык тичак лийже,

Перкеле саскам пакчаштетше кушто.

Эрге-ӱдыретлан, пелашетлан лий эҥертыш,

Пошкудо-влакетлан – кумылзо вашкудо.

Лий оксан, эн чотшо – тазалыкан,

Таза нужна черле поян дечын ятыр пиалан.

ххх

Мыланна улат тый чинче падыраш,

Чолга шӱдыр, кече, илыш пӱрымаш,

Шочмо верын муро, суксо тый улат,

Мыланна эн шерге йолташ гай кӱлат.

Пиалан кугорным ме тыланена,

Ший гармоньын йӱк гай кечын вучена.

У усталык курым лийже ончылнет,

Ешыште, пашаште нӧлтшӧ кумылет.

ххх

Авайна, кумылна, чеверна!

«Шочмо кечет дене!» — манын,

Тӱнясе ласкам тыланет пуэна,

Кандарен кид-йолет сомыл дечын.

Шым шочшетлан поген шым сӱаным,

Тыланышыч поро, сай илышым.

Тау, авайна, тыйын сугыньым

Шуктен шогена , порын илыштын.

Лий таза, кумылзак эреак,

Шошо кече гаяк ояр, волгыдак.

Р.Николаева.