Мутшо калыкын,

семже палыдыме авторын

1.Куэ вует, кудырет, пеледыш вӱдварат

Тодылалтын возеш шонет мо?

Тые кай(ы)шыч тораш, шкетын коды милаш,

Весылан ом йӧрӧ шонет мо?

2.Икыт-кокыт куэ, шӱдӧ коло лышташ,

Лышташыже лиеш ший окса.

Тыят мӱндыр улат, мыят мӱндыр улам,

Письмам веле колтен илаш сай.

3.Вуйышкемже пидам ош йолван шовычым,

Ший шергашым чием парняшкем.

Ош мотор ончылнем, шем мотор шеҥгелнем,

Тыйже веле улат чоныштем.

4.Тошкем корно пелен шындальым куэжым,

Куэ вӱдшым тамлаш ыш логал.

Вашлийын тый денет, келшальым тый денет,

Пеленетше лияш ыш логал.

5.Куэ вует, кудырет, пеледыш вӱдварат

Тодылалтын возеш шонет мо?

Тые кай(ы)шыч тораш, шкетын коды милаш,

Весылан ом йӧрӧ шонет мо?