Татарстан кундем Мензелинск район Калтаково селаште 50 еҥ пурыман  клубым почмо. Тудым  почмаш кугу пайремыш савырнен. Мурымаш-куштымашым тауштымо шомак алмаштен.

 «Тиде клуб районышто илыше марий-влакын тӱвыра рӱдерыш савырна», — маныныт. Палемдыман, районышто 770 утла марий ила.

Тӱвыра тӧнеж  почмаште Татарстан Республикысе калык-влакын Келшымаш Пӧртым вуйлатыше, ТР Госсоветын депутатше Ирек Шарипов, Мензелинск район вуйлатыше Айдар Салахов лийыныт да погынышо-влакым шокшын саламленыт.

Фото: mary.addnt.ru.