Республикысе марий тӱвыра рӱдер «Падыраш» йоча фольклор да семӱзгар ансамбльым чумыра. Тушко 4 ияш деч кугурак икшыве-влакым налеш. Ансамблыште йоча-влак мураш, йӱкым налаш, сценыште шкем кучаш, калык семӱзгар дене шокташ тунемыт, марий калыкын мурсем поянлыкше, пайремже-влак дене палыме лийыт.
Йоча ансамбльым уста гармоньчо, Марий тӱвыра рӱдерын методистше Эльвира Васильевна Петрова вуйлаташ тӱҥалеш.
Занятий яра эртаралтеш.
Ача-ава да икшыве-влак дене икымше вашмутланымаш 25 сентябрь 17.30 шагатлан тыгай адрес дене лиеш: Йошкар-Ола, Первомайский урем, 109 пӧрт ( Маргосфилармоний пӧрт, 1 пачаш, 115 пӧлем). Тыгак 8(836)245-88-51 телефон дене йыҥгырым вучена.
