Андрей Валериевич марий йылмым Интернет кумдыкышто кузе кучылтмо, возымо текстым тергыме программе дене пайдаланыме нерген ойлен. Тыгак Марий Википедийыш кузе регистрацийым эрташ, текст-влакым возаш да тушко пурташ — палдарен.

Тыгак семинарыш толшо-влаклан марий тӱвыра рӱдерын пашаж дене каласкален. Аудиолудышым, видеофильм ден мультфильм-влакым ямдылыме сомыл – марий йылмым вияҥдымаште да шарен шогымаште – кугу ошкыл. А.В.Чемышев семинарыш толшо-влаклан пӧлек семын видеофильмым да мульфильм-влакым возыман «Марий йылмым куанен тунемына» дискым кучыктен.

Семинарым Морко район администрацийын туныктыш пӧлкаже эртарен.