Марафон Марий Эллан пӧлеклалтеш. Кум тапыр дене эртыше таҥасымашыште марий калыкын лӱмлӧ еҥже-влак, йылме ден сылнымутын вияҥмыже да йӱлаже нерген йодыш-влаклан вашмутым пуаш тӱҥалыт.

«МУНЛО» интеллектуал марафоныш 11 команде ушнаш кумылым ончыктен. Тиде Марий Турек, У Торъял, Морко, Шернур, Медведево, Советский, Килемар районла да Йошкар-Ола гыч кугурак класслаште тунемше-влак ушненыт. Командым чумырымо радам тӱрлӧ. Икмыняр командыже ик школ гыч улыт гын, южыжо районысо школла гыч  тунемше-влакым ушеныт.

Ушештарена, самырык-влаклан «МУНЛО» республик кӱкшытан интеллектуал марафон Усталык ушем-влакын пӧртыштышт (Амстердам наб., 2-шо пӧрт) эрта. Регистраций 17 ноябрь индеш, а марафон — 10 шагатлан тӱҥалеш.