Школын пашажлан кок еҥ вуйын шога. Тиде — «Марий Эл Телерадио» кугыжаныш автоном тӧнежыште радиопрограммын авторжо да вӱдышыжӧ Наталья Пушкина да «Газета «Марийская правда» ОАО-н генеральный директоржо-тӱҥ редакторжо Сергей Дружинин. Школыш тӱҥ шотышто Марий кугыжаныш университетын журналистик факультетын студентше ден Йошкар-Оласе школлаште тунемше, МарКУ пеленсе журналист курсышто шинчымашым погышо ӱдыр-рвезе-влак ушненыт.
Икымше занятийым айон почмо. Наталья Васильевна ден Сергей Александрович школын пашам тӱҥалмыж дене саламлен, тунемме курсын илышыште кӱлешлыкше нерген палдареныт. Тыгак школым почмаште МарКУ-н историй да филологий факультетын деканже Алексей Ошаев, тиде факультетын журналистик пӧлкан доцентше Светлана Смирнова, «Марий Эл» ГТРК-н национальный вещаний шотышто шеф-редакторжо Галина Михайлова, Печать управленийын вӱдышӧ специалист-экспертше Вероника Афлятунова лийыныт.
Школын кокымшо занятийже шушаш кушкыжмын «Марийская правда» газет редакцийыште эрта.
«Российысе медиа-кумдыкышто келшыдымаш йылмылан альтернативе» курсым межэтнический журналистик Гильдий (вуйлатыше — Маргарита Лянге») Россий Федерацийын Президентшын грантшылан эҥертен эртара.
