20 октябрьыште Марий тӱвыра рӱдер финн-угор кече-влак вашеш самырык-влаклан каныме касым эртарен. Пайремым мурызо Алена Яковлева сӧрастарен. Канаш толшо ӱдыр-рвезе-влак Марий кугыжаныш университетыш финн йылмым туныкташ толшо Норман Лӧранг дене палыме лийыныт. Норман финн калык муро дене палдарен, икмыняр финн йылме дене мут-влакым туныктен. Самырык еҥ Прибалтике могырысо да марий калык модышто шке вийыштым терген. Икманаш, самырыктукым каныме кас гыч у вий да у шўлыш дене каен.