«Российысе марий-влакын Федерал калыкле-тӱвыра автономийышт» мер организацийын, Марий Эл Республикын тӱвыра, печать да калык-влакын пашашт шотышто министерствын, МарНИИ-н, Туныктыш да шанче министерствын полшымыштлан кӧра Республикысе марий тӱвыра рӱдер конференцийым эртара.

Тушто школ, кыдалаш да кӱшыл тунемме верлаште шинчымашым погышо йоча, самырыкъеҥ, тыгак туныктышо да моло сферыште тыршыше-влак участвоватлен кертыт. Конференцийлан презентаций дене сӧрастарыме докладым Марий Элын кок кугыжыныш –руш да марий – йылме дене ямдылаш лиеш.

Шымлыме да шанче конференцийын темыже-влак:

— Ешемын тукымвож пушеҥгыже (генеалогоческое древо – руш.);

— Ешын реликвийже;

 — Ешын тукымвож аралтышыже;

— Марий калыкын сӱан йӱлаже, ача-авамын сӱанже.

Конференцийыш участвоватлаш кумылан-влак 20 апрель марте пашаштым Республикысе марий тӱвыра рӱдерыш mari-centr@mail.ru электрон адрес дене колтышаш улыт.

Конференцийыште лудмо материал-влак негызеш электрон ойпого савыкталтеш да тудым Республикысе марий тӱвыра рӱдерын сайтыш вераҥдалтеш.