Пайремыш толшо кажне еҥ шӱм-чонжылан келшыше мероприятийыш але конкурсыш ушнен кертеш. Марий калык мурым йӧратеда – «Калыкын чонжо» фестивальыште чондам кандарыза (Рӱдӧ паркын Тулото аланже, жап-12.30 ), «Марий касыште» (Рӱдӧ паркын кеҥеж эстраде площадке, жап – 16.00) да гармончо-влакын конкурсыш толза. Тыгак Ленин площадьыште этнодискотекыште (жап – 19.00) марий эстрадын шӱдыржӧ да регионла гыч толшо мурызо, ансамбль-влак дене каналташ йӧн лиеш. Тыгак «Морко кундем» калык ансамбль (Рӱдӧ паркын кеҥеж эстраде площадке, жап – 12.30) марий муро ден куштымашым ончыкта.