Теракт годым шкем кузе кучаш? Тӱҥ правил-влак

Кеч-могай еҥ тӱрлӧ амаллан кӧра преступник-влакын заложникше лийын кертеш. Тидын годым преступник-влак политик цельыш шуаш шонат, заложникым колтымылан оксам йыгылен кертыт. Заложник-влакым транспортышто, уремыште, пачерыште кучен кертыт.

Тыгай туткар годымк кеч-могай ситуаций лийже – тендан илышдам террорист-влак ужалыме насташ савырат. Тыгай годым кузе шкем кучымо шотышто специалист-влакын темлымашышт дене палдарена.

— Вучыдымо тарванылмаш але йӱк лиеш гын, террорист-влак пеҥгыдын, уло шыдышт дене вашештен кертыт. Кузе? Кажне террористын оружийже лийын сеҥа, лӱен шуа але перен пышта. Сандене нунылан тыге ышташ йӧным ида пу.

— Террорист-влакын шинчадам петырымылан, умшашкыда лапчыкым шӱшмылан, кидышкыда кепшыл дене кылдымылан але наручникым чиктымылан ямде лийза;

— террорист-влакын мыскылымыштым, игылтмыштым чытыза, шинчашкышт ида ончо, шкендам тыматлын кучыза;

— террорист-влаклан торешланаш ида тӧчӧ, кӱлдымӧ патырлыкым ида ончыкто, бандитын оружийжым шупшын налаш але окна да омса велыш тӧрштен лекташ ида тӧчӧ;

— «заложниклан налынна», — манын, тендам пӧлем гыч лукташ тӧчат гын, ида торешлан;

— тендан дене пырля йоча-влак улыт гын, нунылан лӱдыкшыдымӧ верым муза, нунын пелен лияш тыршыза,

— преступник-влакын йодмыштым шукташ тыршыза, нунылан ида торешлане, шкендан да все еҥын илышыштым чаманыза, ӧрткымашымда лӱдмашым ида ончыкто;

— медицине полыш кӱлеш гын, тидын нерген тыматлын да кӱчыкын ойлыза, бандит-влак деч разрешенийым налмеш нимом ида ыште.

Шарныза: тендан цель – илыше кодаш!

Текст интернет гыч, марий йылмыш кусарыме.