Конкурсын тапырже-влак – 1. Миф але легендылан эҥертен марий калыкын йӱла пайремжым сцене гоч ончыктымаш. Конкурсантке тӱҥ рольым модеш.
2 «Мый марий ӱдыр улам» шке дене палдарымаш.
- «Этномодо». Марий сынан сӱан вургем дене палдарымаш.
4.Марий калыкын этнографийже дене шинчымашым тергыше уш-акыл конкурс.
Конкурсыш ушнышо-влак 15 октябрь марте Республикысе марий тӱвыра рӱдерын электрон почтыш: mari-centr@mail.ru але 8 (836)2 45-88-51 телефоныш — йодмашым колтат.
Интернет-йӱклымашлан мом ыштыман? Участнице-влак 15 октябрь марте марий вургемым чийыман кум фотографийым Республикысе марий тӱвыра рӱдерыш колтышаш улыт. Нуным марий тӱвыра рӱдерын официал сайтыш: mari-centr.ru – але «Марий тӱвыра рӱдер» группын «вконтакте», «одноклассники» социал кылыш вераҥдат. 16 гыч 24 октябрь марте интернет-йӱклымаш эртаралтеш. Эн шуко йӱкым погышо конкурсантке «Ончышо-влакын симпатийышт» приз дене палемдалтеш.
