Конференцийым В.Васильев лӱмеш Йылме, сылнымут да историй шанче институтышто пленарный заседаний дене тӱҥалын. Тудым МарНИИЯЛИ-н директоржо Евгений Кузьмин почын. Торжественный почмаште саламлымаш мутым Кугыжаныш погын вуйлатышын алмаштышыже Анатолий Иванов, Марий Эл Правительстве вуйлатышын икымше аламаштышыже М.З.Васютинын секретариатшым вуйлатыше Эдуард Чемышев, Марий Эл Республикын тӱвыра, печать да калык-влакын пашашат шотышто министрын алмаштышыже Галина Ширяева ойленыт.
Марий Оньыжа Эдуард Александровын вуйлатыме делегаций С. Чавайнын памятникше воктен пеледыш аршаш пыштен.
Секций занятий марий классикын лӱмжым нумалше Национальный библиотекыште эртен. Чылаже вич секций лийын. Республикысе марий тӱвыра рӱдерын директоржо Наталья Пушкина «Этнографизмы и фольклоризмы в драматургии С.Г.Чавайна» пашаж дене кокымшо секцийыште выступатлен.
