Тиде кечын тушко Марий Элысе да финн-угор калык-влак илыман регионла гыч фольклор коллектив-влак толыт, шкевел калык йӱла ден муро поянлыкыштым ончыктат. Кидпаша ончер-ярминга мастар-влакын пашашт дене палдара.
Пайремыште «Киндым авызлымаш» марий калыкын унала коштмо годымсо йӱлажым ужаш лиеш. Тудым тӱҥ шотышто «Ӱярня» пайрем годым эртарыме.
«Модыш алан» йоча-влаклан почылтеш. Тушто нуно финн-угор калык-влакын Ӱярня годым эртарыме модышышт дене модаш тӱҥалыт.
Ӱярня годым марий калык ожнысек имне дене ял мучко кудалыштын. Тидын дене осалым поктеныт. Пайремыш толшо-влакын имне дене кудалышташ йӧнышт лиеш
Пайрем умбакыже верысе тӱвыра пӧртыштӧ шуйна. Тушто «Марий кас» эртаралтеш, Ӱярняш толшо коллектив-влак лийыт. «Марий кас» годым верысе калык «Ӱярня мелна» конкурсыш ушна.
Пайремын учредительже-влак – Марий Эл Республикын тӱвыра, печать да калык-влакын пашашт шотышто министерствыже, Морко муниципал район администраций.
Пайремын программыже:
- Кидмастар-влакын усталык да паша ончер-ярмингашт
- «Киндым авызлымаш» марий калык йӱлам ончыктымаш
- Йоча-влаклан «Модыш алан»
- Ӱярня курык гыч мунчалтымаш
- Имне дене мунчалтымаш
- «Марий кас»
