21 ӱярнян, Тӱнямбал поэзий кечын, книган презентацийже лиеш.

Палемдыман, 2017-2018 ийлаште  йоча сылнымут да поэзий антологий лектыныт ыле. Нине книгаштат  марий писатель ден поэт-влакын возымышт кӱкшӧ верым налыныт. Теве йоча сылнымут антологийыште Ипполит Лобановын, Аркадий Богдановын, Юрий Соловьевын, Светлана Григорьева-Сотон, Елена Юнусован серымыштым пуртымо. Поэзий антологийыште Анатолий Тимиркаевын, Геннадий Сабанцевын, Валентина Изилянован, Татьяна Соловьеван да Игорь Поповын почеламутыштым лудаш лиеш.

Тыгак ӱярнян 21 кечынже тыгак И. Поповын «Поч омсатым», Елена Юнусован «Кугезе компьютер», Леон Раян «Сокыртага», Максим Вайшевын «Верните в мир мою надежду» книгаштын презентацийышт эрташ тӱҥалеш. Тудо Ӱсталык ушем-влакын пӧртыштышт эрта, 14 шагатлан тӱҥалеш.