«Ночные волки» мотоклубын участникше-влакын ола мучко чӱктымӧ сорта дене эртымышт деч вара Воин Чап монумент воктене «Сар лийын эрла…Шарнымаш сорта» Российысе социал акций лиеш. Акций 20 шагатат 30 минутышто тӱҥалеш. Тушто «Шарнымаш корно» («Дорога памяти») да «Шарнена» («Помним») мут-влакым икмыняр шӱдо сорта дене «возат».

Акцийыш чыла еҥ ушнен кертеш. Воин Чап монумент деке толын огыда керт гын, тиде жапыштак мӧҥгыштыда сортам чӱктыза да окна ончылан шындыза, Тек кажне еҥын, кӧ шарнен ила, Шарнымаш сорта йӱла.

22 пеледышыште, Шарнымаш да Ойгырымаш кечын, Воин Чап монумент ончылно патриотический акций эртаралтеш.

Пагалыме йолташ-влак! Шучко сар корным эртыше да мемнан эрыкна верч сӧй пасуэш вуйыштым пыштыше кочанам, ачанам, родо-тукымнам, пошкудо-влакнам шарналтена.