Конференций «Марий калык погын вашеш: шонымаш, иктешлымаш, темлымаш» теме дене «Эрыкан микрофон» форматыш эртен. Мутланымашке Марий Эл Республикын Кугыжаныш Погынжын депутатше, Мер каҥаш вуйверын еҥже, Республикысе марий тӱвыра рӱдер вуйлатыше Наталья Пушкина ушнен, Х-шо Марий погынын резолюцийжым илышыш шыҥдарымаш шумлык шке шонымашыжым ойлен.
Комиссий-влакын пашаштым иктешымет, Марий погынлан ямдылалтме кышкарыште ял да ола шотан илемлаште сход, погынымаш-влакым эртарыме нерген мутланымаш лийын.
Волжск ола гыч сессийын пашаштыже Мер каҥашын еҥже Раисия Николаева, мер пашаште чулымын тыршыше-влак, оласе школлаште марий йылмым да ИКН-ым туныктышо-влак Людмила Кошаева, Валентина Музурова, Любовь Мочалова, оласе рӱдӧ книгагудо вуйлатышын алмаштышыже Анна Маршарова ушненыт.
Тиде кечынак «Унчо – финн-угор калык-влакын рӱдӧ илемышт-2019» проектым иктешлыме. Мероприятийым кугу концерт дене мучашлыме.
