Олмапу пеледмым, куэ вӱдын тамым,

Шошо толмо жапым шӱмыштем ашнем.

Эсемесым нальым, кум шомакым лудым –

Мардеж дечын писын олык дек куржам.

Припев:

Лий мылам пеледыш – 3 гана

Тый дечет йодам – 2 гана

Тый лият пеледыш, мый лиям пелаш.

Ош мотор куэрын лывырге укшлаже,

Сылне шӱшпык муро вуйушем налеш.

Товатлен ойлет гын, шӱмбелем, тый пале:

Мыйын чоныштемже шошо пеледеш.

Припев тудак.

Йӧратет тый мыйым, йӧратем мый тыйым,

Тиде когыньнажын, умылем, шижмаш.

Шошо толмо дене, шӱшпык муро дене,

Пӱрымӧ ой дене келшен илымаш.