Авторын мурыжым шкеже веле огыл, тыгак мурызо-влакат йоҥгалтарен, видеом войзен, «Моско марий тӱвыра рӱдер» проектыш колтен кертыт. Ончылгоч палемдыме жюри ден клипым колыштшо-влак конкурсант-влакын пашаштым аклаш тӱҥалыт.

Тӱҥ приз – 100000 теҥгеаш сертификат. Тудым видеомаркетинг службо профессионал видеоклипым войзаш ойыра. Съемко Москошто эрташ тӱҥалеш.

Лу эн сай муро ден семым возышо Республикысе марий тӱвыра рӱдер деч призым налыт.

Конкурс Йошкар-Олаште  гала-концерт дене иктешлалтеш.