Акцийыш ушнышо кажне еҥ 45 минутышто 30, тышеч 20-жо – федерал, 10-жо – регион кӱкшытан йодыш-влаклан вашмутым пуышаш. Кажне регион акцийым эртараш шке шотан верым ямдыла. Марий Элыште тыгай верлан С.Г. Чавайн лӱмеш Калыкле книгагудым ойырымо. 6 ноябрьыште тыште диктантым возаш лиеш. 11 шагатлан тӱҥалеш.

«Кугу этнографий диктант» акцийым Калык-влакын пашашт шотышто федерал агентстве ден Удмурт Республикын национальный политике министерствыже эртарат. Регионысо координатор сомылым Тӱвыра, савыктыш да калык-влакын пашашт шотышто министерствыже шукта (тел.:(836-2) 42-32-66, mno.mincult12@mail.ru).