Тушто пайремым эртарыме радам дене палдарыме. Студент-влакым Шорыкйол годым мужедмаш, модмаш дене палдарыме. Нунылан чыве дене мужедме йӱла моткоч келшен. Ончычшо чыве лӱдшырак шындылме тарелке-влак деке миен гын, варажым пырчым чӱҥген, а ик йолжо дене оксан тарелкым тошкалын. Мужедме радамым шотыш налаш гын, тиде ончыкта: пырче – улан илыш, окса – шийвундылан поян лиймаш.

Ӱдыр-рвезе-влак мӧчӧр-влаклан: Васлий кугыза ден Куважлан, Салтаклан, Сӱанватылан, Тӱмырзылан – кузе тунеммышт, могай мер сомылым шуктымышт нерген каласкаленыт, марий йылмым тунеммаште кӱкшытыш шумыштымат почеламутым лудмо гоч ончыктеныт, марла мурен-кушталтеныт.

Мӧчӧр-влак йӱла муро-влак-влак денат палдареныт.

Мероприятий деч вара студент-влак Республикысе марий тӱвыра рӱдерын войзымо «Шорыкйол» видеофильмым онченыт.