Агавайремым эртарыме жап ик семын ок тол. Тудым ага пашам тӱҥалме деч ончыч пайремленыт, но шукыж годым шоша агам мучашлымеке, Кугече деч вара 50 кече эртыме гутлаште палемденыт. Тудым эртарыме годым ятыр йӱла шукталтын. Нуно икияш кушкылым ӱдымӧ але шындыме, ончыкшым кӱкшӧ лектышан киндым, емыж-саскам шочыктымо манме шонымашым шыҥдареныт.

Агавайремлан кажне сурт ямдылалтын, пӧрткӧргым, кудывечым, уремым эрыктеныт. Пайрем кечын мончаш пуреныт, мелнам, перемечым кӱэштыныт, подкогыльым тӱрленыт, пурам шолтеныт, шуко муным поген ямдыленыт. Кумалтышыш ару вургемым чиеныт. Тудым Агавайрем отышто але лӱмын келыштарыме верыште – шелыкыште – эртареныт. Кумалмашке толшо калык онаеҥ дене пырля Агавайрем Юмо деч серлагышым, поро шулыкым йодын.

Кумалтыш деч вара шочыктен шогышо вийын символжо – муно дене – тӱрлӧ модмашым эртарыме Кугече пайрем годсо семынак лӱҥгалтыш дене лӱҥгалтеныт.

Кумалтышым, модмаш-влакым эртарыме деч вара онаеҥ тауштымо кумалтышмутым каласен. Агавайремыш толшо кажне еҥ авызлыме деч вара кодшо чесыжым мӧҥгыжӧ наҥгаен.

Пайремын кокымшо кечынже, сурт еда коштын, пура дене сийлалтыныт.

Пайрем годым ойӧрӧм эскереныт, вургемым мушкаш, йӱк-ӥӱаным лукташ, шӱртым чиялташ ок лий улмаш.

Марий Эл Республикысе рӱдӧ Марий Юмыйӱла ушемын секретарьже Галина Ласточкинан палемдымыж почеш республикыште 26 июнь марте шуйна. Эртарыме радам тыгайрак:

28 май

Марий Турек район Арбор кундем калык Агавайрем кумалтышыш лектеш

31 май

У Торъял район Шӱвылак ял калык Агавайрем кумалтышыш лектеш

6 июнь

Марий Турек район Акпатырево ял калык Агавайрем кумалтышыш лектеш

7 июнь

У Торъял район Агавайрем кумалтышыш лектеш

Советский район Янгранур, Пивактын починга, Кукмарий, Мугыл, Шуймучаш, Кундышӱмбал,

Ашламаш, Кораксола Агавайрем кумалтышыш лектеш.

11 июнь

Марий Турек район Сардаял ял калык Агавайрем кумалтышыш лектеш

12 июнь

Марий Турек район Кӱшыл Турек ял калык Агавайрем кумалтышыш лектеш

13 июнь

Марий Турек район Ӱлыл Турек ял, Мосара ял калык Агавайрем кумалтышыш лектеш

Советский район Немыч ял калык Агавайремыш лектеш, Янгранур ял калык Курык кугызалан пелешта.

14 июнь

Советский район Колыгудо, Тапшер, Опанассола ял калык Агавайрем кумалтышым эртара

15 июнь

Марий Турек район Марий Купта ял калык Агавайрем кумалтышыш лектеш

18 июнь

Марий Турек район Андре починка ял калык Агавайрем кумалтышыш лектеш

20 июнь

Советский район Вечын, Колянур, Шогале ял калык Тиште кумалтышым эртара

Советский район Янгранур, Пивактын починга ял калык Вӱдавалан пелешта.

Советский район Ӧрша ял кумалтышым эртара

21 июнь

У Торъял район Эшымсола Агавайрем кумалтыш лиеш

Советский район Кугэҥер, Кугунурышто Агавайрем кумалтыш эртаралтеш.

26 июнь

Параньга район Памашъял ял калык Агавайремыш лектыт.