Ончышаш паша радам почеш, Марий Элысе калык-влакын самырыктукым ассамблейыштын чоҥалтме радамжым пеҥгыдемденыт. Уставын 3.3 пунктышкыжо вашталтышым пуртымо: «Марий Элысе калык-влакын самырыктукым ассамблейыштым Совет (каҥаш) вуйлата. Советын пашажым председатель виктара. Самырыктукым ассамблейын членже-влак Советыш вич еҥым почмо йӱклымаш почеш ик ийлан сайлат. Советыш пурышо-влак Председательым да Стат-секретарьым ойырат».

Тыге Советыш сайленыт: Азнив Мхитарян (ПГТУ пеленысе «Мост» КИДС-ым мвуйлатыше), Галина Ласточкина («Рвезылык» студент ушемым вуйлатыше), Эльвира Куклина («ИНТЕЛЛЕКТУАЛ» тӱвыра-увер рӱдерын директорже), Алина Шаяхкамова («Бердэмлек» Марий Эл Республикысе татар самырыктукым ушемым вуйлатыше) да Дмитрий Григорьев («Марий Эл Республикын самырык правительстве» ушемын еҥже). 

Тиде кечынак Советын икымше каҥашпогынжо эртен – Марий Элысе калык-влакын самырыктукым ассамблей советын вуйлатышыжым ойыреныт. Икоян йӱк дене Дмитрий Григорьев сайлалтын.

Тиддеч вара у ассамблейым вуйлатыше шке пашажым тӱҥалын да самырыктукым ассамблейыш пурышо-влаклан Ӱшан кагазым кучыктен.

Тыгак ассамблейын еҥже-влак (чылаже 17 улыт) могай организаций гыч улмышт нерген каласкаленыт, шке калык тӱвырашт да йӱлашт дене палдареныт.  Тачысе кечылан ассамблейыште 9 калыкын колтымъеҥышт улыт: азербайджан, армян, марий, одо, руш, таджик, татар, узбек, украин. Ик организаций калык-влакым ушен шога – тиде ПГТУ пеленсе «МОСТ» КИДС.