Юлсер кундем Приволжский лудмыверын книгам лудшыжо ятыр: изижат-кугужат тышке книгам лудаш да налаш веле огыл толыт, тыгак тӱрлӧ мероприятийыште участвоватлат. Лудмыверыште посна, книгам пӧлеклыше-влакын, лукышт уло. Тушко ий еда тӱжем наре книгам кондат. Лудмывер пашаеҥ-влак нуным варажым эмлымверлаш, еҥ-влаклан пуэдат, поселко гыч тораштырак верланыше Александровко ялыште илыше-влак лудаш кумылын наҥгаят.