11 гыч 23 июль марте Башкортостан республикын куд районжо да Нефтекамск олаште илыше марий-влак кӱсотыш лектыныт. Калтаса районышто Тошто Ящ, Васола, Павасола яллаште кумалтыш-влак лийыныт. Краснокам районышто У Пураял, Корий, Тумерсола отышто Кӱсӧ эртен. Дӧртыльӧ кундемысе Чарлакыште, Нуриман районышто Кугу Шедеште, Татышле кундемысе Башкияште, Нефтекамск олаште, Караидель районышто Крымсарайыште кумалтышым эртареныт.