«Кас сем» вокал группылан фестивальын участникше дипломым кучыктымо.
«Фестиваль жапыште мемнан тӧнеж ден Мишкан селасе Марий историй-тӱвыра рӱдер коклаште кылым ой-пидыш (договор) дене пеҥгыдемдыме. Тидыже регион-влак дене у кӱкшытыштӧ пашам виктараш полышым ышта», – палемдыш Марий тӱвыра рӱдерым вуйлатыше Василий Петров.
Палемдыман, мероприятийыш Башкортостан, Удмурт, Марий Эл республикла, Свердловск область гыч коллектив-влак толыныт, финн-угор калык-влакын сем поянлыкышт дене палдареныт.