12№-ан школын 3  классыште тунемшыже Иванов Никита

Шорыкйол. Могай тиде пайрем? Шуко гана шоненам: ужаш ыле. 22 декабрьыште  саде пайремышкет логальым. Калыкше, ушет кая. Васли кува ден кугыза мемнам вашлийыныт. Васли кугыза вуешыже тўрка упшым упшалын, капешыже ужгам савырен чиен. Эше чевер мера‰ пайремым сєрастарен. Тудыжо муралтенат, кушталтенат колтен. Мемнам, йоча-влакым, мелна дене, кампет дене сийленыт. Тўрлє модыш дене модынна, адакшым кушталтенат колтен улына.

Пайрем мучашлан Йўштє кугыза, Лумўдыр тольыч. Мый серышым Йўштє кугызалан возенам ыле. Паледа, мыйынат серышем миен шуын. Тале оза мыланемат сай серышлан пєлекым кучыктыш. Чонем вургыжын, йывыртенам. Уло вет тўняште юзо вий.

Ынде мый палем, мо тыгай Шорыкйол. Тиде эн сай да о‰ай пайрем!

 

 

2№-ан школын 1-ше классыште тунемшыже Терехова Вика                                                                               

Марий елка                                                                         

 

22 декабрьыште мый Марий елкыш миенам. Тудо «Автодорышто» эртен. Мемнан класс гыч 5 йоча миен улына: Настя, Кристина, Саша, Саша да мый – Вика. Кажныже костюмым чиеныт. Мый ур лийынам. Тушто пеш весела лийын, мурен-куштен улына. Жап пеш весела эртен. Лумўдыр ден Йўштє кугыза мылам пєлекым пуэныт. Пайрем мылам пеш келшен.

 

2№-ан школын 4-ше классыште тунемшыже Андриянова Юлия 

Пайрем шўлыш

22 декабрьыште ме У ий пайремышке миенна. Тиде пайремым мыланна Марий тўвыра рўдер ямдылен. ™дыр-рвезе-влак У ий эртарымым веле огыл, тыгак Шорыкйол нергенат шуко о‰айым да кўлешаным ончыктеныт. Йоча-влак мемнан оланан тўрлє школа гычын погыненыт. Кє марий костюмым чиен, а кє гын чодырасе янлык лийын. Ме, школнан тунемшыже-влак, Арбор кожла гыч толшо янлык-влак лийынна. Мемнан кокла гыч ик ўдыр ден ик рвезылан эн сай костюмыштлан пєлекым пуэныт.

Икмыняр школ-влак тиде пайремыште шкеныштын мастарлыкыштым ончыктеныт: мурым муреныт, куштеныт. Мучашлан мемнан деке Йўштє кугыза ден Лумўдыр толыныт. Ме нунылан очеламутым каласкаленна. Йўштє кугыза вес ийынат толаш сєрен, а ме чыланат тудым уэш вучаш тў‰алына.

 

2№-ан школын 4-ше классыште тунемшыже Пчелкина Анастасия  

Икымше гана У ий кож пайремыште

Шукерте огыл мый икымше гана марий У ий кож пайремыште лийынам. Тушто мыланем моткоч келшен. Ме мурена, куштенна, кож йыр пєрдынна, модынна. Мыланем пєлекым пуэденыт, тўрлє сай шомакым, сугыньым ойленыт. Мучашлан  ме чыланат рўж Йўштє Кугызам ўжынна. Тудо Лумўдыр дене толын, мыланна шере пєлек-влакым конден, а ме, йоча-влак, тудлан почеламут-влакым лудынна. Йўштє Кугыза моткоч йывыртен. Тыгак тиде пайремыште тўрлє чодырасе янлык-влак лийыныт, нунат мемнандене пырля кож йыр пєрдыныт, мурым муреныт. Марий У ий кож пайрем мыланем моткоч келшен, вес ганат тушко каяш кумылем уло.

 

2№-ан школын 4-ше классыште тунемшыже Казашова Аня  

У пайрем йўлам пален нальым.

У ий кож пайремыште шуко тўрлє йомакысе герой-влак лийыныт, чодырасе янлык-влакат унала толыныт. Нуно мемнан дене модыныт, мурен-куштеныт. Тиде кечын ме У ий толмым гына огыл, а эше Шорыкйол пайремымат пайремленна. Вўдышє, тыгак Шорыкйол пайремын тў‰ персонажышт-влак – Васликува ден Васликугыза – мыланна тўрлє тошто йўлам ончыктеныт, ожнысо модыш дене модыктеныт. Тыште мый шкланем шуко уым пален налынам, коча-кованан самырык лиймышт годым Кузе пайремым пайремлымыштым ужынам. Васликува ден кугыза мыланна тамле пўкшым пуэденыт, вес ийлан сай сугыньым каласеныт. Пайрем мыланем моткоч келшен.

 

23№-ан школын 7-ше классыште тунемшыже Викторова Ксения  

Мондалтдыме пайрем

Елкынашке унала

Толын улыт янлык-влак

Тыгай годым кє мала?

Куаненыт чыланат!

Б.Данилов

Кажне телым олаштына марий елка эртралтеш. Теният вучымо пайремна шуо. Мый изиэм годым марий елкыш икана миенам ыле. А тений школ гыч шымытын мийышна. Зал покшелне кугу сылне елка волгалт шога. Йырже эре мурымет, куштымет веле шуэш. Мый дечем телевидений пашае‰-влак интервьюм нальыч.

Ёлкыш Васликува ден кугыза, мера‰ дене рывыж да молат толыныт. Йоча-влакым пеш куандарышт Шорыкйол пайремым ончыктымышт дене.

Йўштє кугыза деч мыламат тамле пєлек логале. Серышем келшен, ужат! Вес гана марий мурым ямдылаш шонем. Йоча-влакын вургемышт, мурышт пеш келшен. Йоча-влак, марий елкыш вес ганат мийыза. Елка нерген телевизор дене ятыр ончыктышт. Мый шкемымат, йолташ-шамычымат ужынам. Пеш о‰ай!

Тау туныктышемлан марий елкыш намиймыжлан. Пайремыште ужна: марий муро, марий койыш нигунам ок йом. Йоча-влаклан, мыланемат марий елка пеш келшен.

 

30№-ан школын 5-ше классыште тунемшыже Егоров Сергей 

У ий дене, у айдеме,

Шергакан падыраш-колой,

Тыланет тўжем йўк дене

Шергылтеш эн поро ой!

               М. Казаков

Вучымо кече толын шуо. Ме марий елкыш толна. Пайремыш шуко уна-влак погыненыт. Марлат, рушлат мутланат. Марий елкышто шорыкйол пайрем нерген шуко пален нална. Васликува ден кугыза пеш о‰ай улыт ыле. Мера‰ дене рывыжше йоча-шамычым эре куштыктышт. Нуным ончен, шыргыде от чыте. Йўштє кугыза ден Лумўдыр йоча-шамычлан пєлекым конденыт. Йоча-шамычше пеледышла койыт! Тыге сайын Мурат, куштат. Ме лач почеламутым веле ямдылыме. Вескана елкыш толына гын, меат марий мурым мурена.

Мый мєчєр костюмым чиенам. Кугу мєчєр кидем кучыш, пўкшым пуыш. Елка пеш весела ыле. Мемнан классысе ўдыр-шамычлан елка пеш келшен. Нуно Шорыкйолым первый гана ужыныт. А мый ялыште кажне телым мєчєр-шамычым онченам. Шкеже тений первый гана мєчєрла чиенам. Тыгай пайремже мола ик гана веле лиеш гын?

 

17№-ан школын 5-ше классыште тунемшыже Богданов Владимир  

Шорыкйол пайрем

2009-ше ий мыланем эрелан шарнымашеш кодеш. Тиде ийын мый визымше классыште тунемаш тў‰альым. Марий йылме урок мыланем келша. Вет ачам ден авамат марий улыт. Ачам марла сайын кутыра, авам умыла. Марий елкышто уло кумылын кайышым, вет тушто але ик ганат лийын омыл.

Марий елка мыланем пеш келшыш. Пайремлан ончылгоч ямдылалтыныт: покшелне мотор, ужар кож шоген, пырдыжыште сўрет, газет-влак. Пайремым Васликува ден Васликува сєрастареныт. Пеленышт салтак, мєчєр, тўрлє янлык-влак толыныт. Мєчєр-влак мемнам шорыкйол, У ий дене саламлышт, пиалым, сайын тунемаш тыланышт.

Нуно мемнам шуко мурыктышт, куштыктышт. Кажнылан тамле пєлекым кучыктеныт. Мыланем рывыж ден Васликува пеш келшышт. Нуно йоча-влакым эре модыктеныт, мемнан дене пырля куштеныт.

Пайрем утыр ылыжеш. Тўрлє ансамбльыш коштшо ўдыр ден рвезе-влак мурым шергылтарышт, чаплын кушталтенат колтышт.

Пайрем деч вара Шорыкйол нерген шукырак пален налаш кумылем лекте. Мыйын ачам ден авам шочынжо Киров область гыч улыт. Ачамын шочмо Лужанка ялыштыже тиде йўла мондалтын. Вет туштыжо марлаже шо‰го веле кутырат. Ожно тыштат Шорыкйол пайремым эртареныт. Гриша кочам пайремыште шуко Гана Васликугыза лийын. Тудо гармонь дене сайын шоктен.

Ожно Шорыкйол пайрем ик арня эртен. Тиде марий калыкын У Ий пайремже улмаш. Мемнан кугезына-влак тиде пайремым пеш акрет годсек пайремленыт. Ончыч мончаш пуреныт, яндар вургемым чиеныт. Мелнам, пўкшым кўэштыныт. Васликува ден Васликугыза, салтак, тўрлє янлык, вольык пєрт еда коштыныт, е‰-влакын кидпашаштым тергеныт. У ийыште пиалым, тазалыкым, улан илышым тыланненыт.

Шорыкйол арня мучко калык тўрлє палым шекланен: оксам шотлен – идалык мучко Оксан лияш, ко‰гашке паре‰гым кудалтеныт – паре‰ган лияш, олман лияш – олмапум перкаленыт, лум орам ыштеныт – киндан лияш да молат.

™дыр-влак мужедыныт. Ковамат муждемыжым пеш сайын шарна.

Йоча-влак лум дене модыныт, ече, издер дене мунчалтеныт. Кастене сокыртагала модыныт.

Вот тыгай весела да о‰ай марий калыкын Шорыкйол пайремже.