Эҥер ваке вола йÿд пычкемыш,

Лыплана тораште йÿк-йÿан.

Сер воктене коштам мые шкетын

Да толметым вучем, ÿдыр таҥ.

 

Мый денем кастене вашлиймеке,

Чеверга олмала чуриет,

Садланак коштам мый эҥер деке

Канаш толмо сылне верышкет.

 

Вара тый манат: «Ончал-ян кÿшкö –

Тылзе эркын мÿндырнö иеш.

Но палет тый шкежат: тудо йÿштö,

Мыйын шÿм гай огыл вет йöршеш».

 

Эҥер ваке вола йÿд пычкемыш,

Тыпланен тораште йÿк-йÿан.

Сер воктене коштам мые шкетын,

Ӱшанем, толат тый, ÿдыр таҥ.